Muerre dempués de caer cola so autocaravana per un desnivel de 150 metros n'Onís

Dos mancaos nun aparatosu accidente en Sama, Llangréu

Una muyer de 29 años morrió güei dempués de salir de la vía l’autocaravana na que viaxaba per una pista ganadera asitiada ente los pueblos de Demués y Soñín, n’Onís, y caer per un desnivel, d’ente 150-200 metros en circunstancies que se desconocen.

Según informó’l Serviciu d’Emerxencies (SEPA), la muyer morrió mientres la llevaba n’helicópteru’l grupu de rescate al Hospital del Oriente, en Les Arriondes, y na zona siguía un grupu de bomberos, otru helicópteru con personal de rescate, axentes de la Guardia Civil y una unidá de drones énte la posibilidá de que puea haber más víctimes.

Dos mancaos nun aparatosu accidente en Sama, Llangréu

Dos mancaos nun aparatosu accidente en Sama. Foi al rodiu de les 12.30 de la mañana cuando, por causes que se desconocen, un coche que circulaba per La Torre Baxo del distritu llangreanu chocó escontra otru vehículu que taba paráu xunto a una parada d’autobús.

El primeru de los coches volcó na calzada, lo que provocó que, polo menos una hora, tuviere cortáu dafechu’l tráficu na antigua As-17, comunicación fundamental pal tresporte públicu na cuenca del Nalón.

Hasta’l llugar del socesu averáronse axentes de la Policía Local, Policía Nacional, Servicios Sanitarios y Bomberos d’Asturies, que tuvieron que sacar a los mancaos del vehículu. Los dos, un home y una muyer, fueron treslladaos al hospital.