Grave accidente d'autobús en Los Llagos de Cuadonga

El vehículu salió de la carretera pela marxe derecha y volcó nuna zona con una pequeña pendiente

Seis persones mancáronse de gravedá "con pronósticu reserváu", otres seis menos graves y 37 leves al espeñase un autobús con 48 pasaxeros y el conductor que cubría’l serviciu ente Cuadonga y Los Llagos, na vertiente asturiana del Parque Nacional de Los Picos d’Europa, según fontes sanitaries y de la Guardia Civil.

Esti ye l’últimu balance de mancaos que dio a conocer la vicepresidenta del Gobiernu asturianu, Gimena Llamedo, qu’esclarió qu’ente los mancaos hai polo menos un estranxeru de nacionalidá austriaca y vecinos de Madrid, Aragón, Cataluña, Andalucía y Estremadura que taben de vacaciones per Asturies.

Ente los 48 pasaxeros, había diez menores d’ente ocho meses y 13 años, nengún sufrió mancadures de gravedá, aunque sí fueron treslladaos hasta los hospitales Les Arriondes y Xixón xunto a les sos families.