La Policía sollerta de la proliferación de la 'estafa del fíu' al traviés de móviles

Mediu centenar de persones deteníes na Operación Fíu

Too empieza con un mensaxe nel que presuntamente'l so fíu o fía ta ensin movil y con apuros económicos. Una vegada que se pincha nel enllaz empieza la estafa. La Policía Nacional lleva dellos meses con esta investigación que n'Asturies denomen Operación Fíu. Yá identificaron y detuvieron a mediu centenar de persones por estos fechos en tol país. Cúntalo José Luis Bueno, subinspector del Grupu de Delitos Económicos y Tecnolóxicos de la Policía Nacional.

Nuna comisaría d'Uviéu, rexistraron va unos díes la última denuncia por esta estafa. En tolos casos los axentes siguen el rastrexu del dineru pa identificar a los titulares de les cuentes, conocíos como 'mules' na xíriga policial, y pedir les acciones xudiciales afayadices.

Los delitos per internet son de natura tresfronteriza. Les mules mueven el dineru pel mundu, polo que la policía trabaya en collaboración con Europol y Interpol. Pel momentu, la Operación Fíu sigue abierta. Si-yos llega unu d'estos mensaxes, dulden. Inórenlu.