La policía xudicial investiga un ordenador pirata ocultu nun armariu del Ayuntamientu de Xixón

Descubrióse por una auditoría fecha pola dirección xeneral de Protección de Datos

La policía xudicial investiga un delitu informáticu nel entornu del Ayuntamientu de Xixón. Según fontes de la comisaría de Policía Nacional, les investigaciones céntrense nel atopamientu d’un ordenador pirata ocultu nun armariu del consistoriu que s’usaba col envís de acceder a información sensible.

Descubrióse por una auditoría fecha pola dirección xeneral de Protección de Datos municipal, fecha con calter preventivu, y col envís de tener conocimientu del estáu y funcionamientu de tolos sistemes del Ayuntamientu.

Fontes municipales aseguren qu’ún de los sos compromisos pa esti mandatu yera precisamente la creación d’esti departamentu pa comprobar y meyorar l’estáu de la so rede.