Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 17 de agostu. 2021 21:05

Rescataos los dos montañeros perdíos nos Picos d'Europa

Rescatados los dos montañeros perdidos en los Picos de Europa
Rescataos los dos montañeros perdíos nos Picos d'Europa

Los montañeros tán "deshidrataos y agotaos dempués de pasar dos nueches albentestate"

Los dos montañeros cántabros rescataos esti martes, tres tar desapaecíos dende'l pasáu domingu, tán bien de salú, anque “deshidrataos y agotaos dempués de pasar dos nueches albentestate”, según informó un miembru de la Guardia Civil que participó nel ampliu operativu de busca.

El dispositivu pa rescatar a los montañeros Ramón G.G. y José Antonio G.P., dambos vecinos de Buelna, foi mui complicáu, yá que taben na Canal de la Ría, una zona de mui mal accesu, qu'acaba nun esbarrumbe que, según los axentes, a nun ser que tengas cuerda y material específico nun ye posible baxar.

Los axentes recibieron l'avisu sobre la so localización al traviés d'unos montañeros que los taben escuchando dende la otra aguada del monte, dende la zona d'Ariu, polo que pidieron el sofitu del helicópteru pa la so visualización.

Entrín y non, un especialista quedó na zona pa tratar d'averase a los montañeros pero, según el relatu de los espertos que participaron nel rescate, por cuenta de lo abegoso del terrén nun pudo llegar hasta'l llugar exactu del so allugamientu.

Una vez que l'helicópteru de Bomberos llegó a la zona, con un ciclu de grúa irguiéronlos y pudieron dexalos na zona de Poncebos, onde los esperaben familiares y amigos.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL