Muerre una muyer al caye-y un horru en Piloña

La muyer tendía la ropa nel momentu del esbarrumbe

Una muyer de 58 años morrió al caye-y enriba un horru mientres tendía la ropa en Boriñes, conceyu de Piloña, informó'l Serviciu d'Emerxencies del Principáu d'Asturies (SEPA).

El Centru de Coordinación d'Emerxencies del 112 Asturies recibió a les 19:24 d'ayeri una llamada na qu'alertaben de que l'horru esbarrumbara sobre una muyer que nun respondía.

Bomberos del SEPA con base nos parques de Piloña y Cangues d'Onís fueron al llugar pa facilitar l'accesu a la muyer del equipu médicu, que namás pudo confirmar la muerte.

La Guardia Civil fízose cargu de los trámites pa proceder al llevantamientu del calabre.

Los bomberos rescataron el cuerpu pasaes les 22:00 tres la correspondiente autorización xudicial.