Atopen muertu al conceyal d'IX en Llanes Javier Ardines

IX llamenta la muerte del so edil y pide respetu a la so memoria

El conceyal d'Izquierda Xunida (IX) nel Conceyu de Llanes, Javier Ardines, apaeció muertu esta mañana xunto al so vehículu, cabo la so vivienda, nel llugar llaniscu de Llames de Pría, según informaron fuentes de la coalición.

La Guardia Civil confirmó que ye una muerte violenta, a la espera de l'autopsia, que confirmará la causa exacta.

IX llamenta la muerte del so edil en Llanes y pide respetu a la so memoria

Izquierda Xunida (IX) d'Asturies amosó güei'l dolor de los integrantes del grupu políticu pola muerte del conceyal de Llanes, Javier Ardines. Nun comunicáu, la coalición pidió "respetu a la so memoria" y treslladó'l so "calor y sofitu" a familiares y amigos del conceyal a la espera de conocer el resultáu de l'autopsia qu'afite les causes de la muerte.