Sustu en Navia tres entornar la llancha d'unos perceberos

Hasta'l llugar del accidente fueron los servicios de salvamentu que pudieron rescatar a los pescadores

Hasta'l llugar del accidente fueron los servicios de salvamentu que pudieron rescatar a los pescadores
Un bon sustu llevaron esta mañana tres perceberos en Navia. Hacia les 10:00, un golpe de mar fizo entornar la so embarcación al altor de la desembocadura de la ría. Y, anque nun primer momentu llograron xubir a bordu, un segundu golpe entornaba la llancha dafechu.

Dos de los marineros, xuntaos al plan d'esplotación d'Ortigueira, pudieron garrase a la quilla del bote, mientres qu'un terceru foi arrastráu unos centenares de metros mar adientro, hasta la conocida como la boya del emisariu d'Ence.

Hasta'l llugar del accidente fueron los servicios de salvamentu que pudieron rescatar a los tres perceberos en bon estáu. La embarcación foi remolcada hasta'l cai de Veiga.