Un Guardia Civil asturianu salva a una familia na traxedia de Mallorca

L'axente de Ciañu rescató a un home y dos neñes col agua pela cintura

Diez muertos y un desapaecíos ye'l balance pel momentu de la lluvia fuerte qu'hebo en Sant Llorenç das Cardassar (Mallorca).

La truena y, sobre manera, les sos consecuencies movilizaron a la Guardia Civil de la islla, bomberos y UME que concentraron los sos esfuerzos na zona este de Mallorca a 60 kilómetros de Palma.

D'ente les numberoses hestories de lo asocedío nesta traxedia quedamos con un rescate. El que llevó alantre un Guardia Civil asturianu de Ciañu destináu na islla.

Sergio Mantas y la so compañera llegaron nel momentu afayadizu a ayudar a una familia n'apuros, la d'Adán Heredia, que rellató cómo col agua pela cintura foi salváu xunto a dos neñes.

TPA Noticies pudo falar con ellos esta mañana y recoyó la so primer conversación tres esi rescate.

La cadena tamién faló con otru asturianu que vive na islla, un inxenieru de Noreña que ta en Porto Cristo. José Ángel Blanco aseguró que'l panorama ye desolador y que les zones afectaes van tardar años en recuperase.

Les riaes rexistraes constituyen una de les traxedies más graves causaes por lluvia nos postreros 25 años n'España.