La Policía Nacional prindó esti miércoles a un home como supuestu autor del apuñalamientu de dos mozos en Llangréu, según confirmaron fontes del Cuerpu.
El socesu foi, sobre les 23:00 d'ayeri, martes, cabo'l pasu a nivel que da accesu al barriu de La H.uécara, en Sama, cuando los dos mozos fueron afrellaos y recibieron dos feríes con arma blanca tres un discutiniu con otra persona.
Al paecer el deteníu, un "vieyu conocíu" polos axentes de la Policía Nacional y con dellos antecedentes afrellaría ensin mediar palabra a estos mozos con un cuchiellu o un cúter; a unu na cara y a otru nel pescuezu.
Dambos fueron treslladaos al Hospital Valle del Nalón onde fueron atendíos y les sos vides nun cuerren peligru.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL