TPA estrena 'El reino de Asturias'

Un documental sobre la historia de la monarquía asturiana dirixíu por Samu Fuentes

TPA estrenará esta nueche, a les 22:15, 'El reino de Asturias', un documental sobre la historia de la monarquía asturiana fechu pola Radiotelevisión Pública del Principáu y dirixíu pol cineasta asturianu Samu Fuentes.

En cuasi dos sieglos, ente’l 718 y el 910, dempués de Pelayo, otros 12 reyes dirixeron los destinos del reinu d’Asturies. Ficieron un reinu que punxo llende a la invasión musulmana y entamaron el camín de la recuperación de tol territoriu peninsular, llabor qu’acabó dempués de cuasi ocho sieglos.

Los reis asturianos fueron amás promotores, nel planu cultural, d’un arte únicu, que fexo edificios orixinales: lo qu’anguaño conocemos como Arte Prerrománicu. Malapenes superen la decena los edificios conservaos, pero’l so conxuntu ye’l más completu y variáu qu’hai d’eses feches en tol occidente européu.

El documental 'El reino de Asturias', tien una duración aproximada d’una hora. Grabáu en formatu d’Alta Definición 4K, inxerta imáxenes grabaes en dellos llugares d’Asturies y tamién en Lleón, Zamora, Compostela y Liébana, ente otros llugares del territoriu de lo que foi’l reinu d’Asturies. Inxerta, amás, animaciones y el testimoniu de dalgunos de los máximos especialistes d’esi momentu históricu.