El Parque de la Prehistoria de Teberga inxerta seis nuevos animales

Son tres exemplares de gamos y otros tres de corzos

El Parque de la Prehistoria de Teberga inxerta seis nuevos animales prehistóricos. Son tres exemplares de gamos y otros tres de corzos. Son les especies más representaes nel arte parietal. De caún, hai un machu y dos femes y nel centru esperan que tengan descendencia esti mesmu añu.

Son los mesmos animales que víen y pintaben los nuestros antepasaos prehistóricos nes cueves. Acaben de llegar a Teberga procedentes del Parque Faunísticu Lacuniacha, en Huesca.

Apaecen nel arte parietal Ástur, tanto en grabaos como en pintures. Agora, los que visiten el Parque de la Prehistoria de Teberga podrán conocelos de baldre.

Les seis nueves incorporaciones xúnense a otros animales que formen el núcleu zoolóxicu del parque, y que tán en peligru de desapaecer. Son una pareya de caballos Przewalski, la fema de bisonte européu y los tres Uros, l’antepasáu xabaz de toles vaques del mundu.