Radiotelevisión del Principáu d'Asturies Radiotelevisión del Principado de Asturias
Viernes 23 de febrero | Corporativo | Contacto |
Notas de voz al 666 333 222
Buscar |
Síguenos en
Radiotelevisión del Principado de Asturias | Buscar

Ir a portada de RTPA

Fuente: RTPA, 15 de ochobre. 2018 21:10

Guillermoprieto alerta de la necesidá d’un periodismu "de voz calmada"

Guillermoprieto alerta de la necesidá d’un periodismu "de voz calmada"

Diz que’l periodismu demanda una serenidá que permita contar y esplicar el relatu

La periodista mexicana Alma Guillermoprieto, Premiu Princesa d’Asturies de Comunicación y Humanidaes 2018, insistió güei na necesidá d’un periodismu "esplicativu" y "voz calmada", que dea una alternativa al periodismu de "muncha protesta" que monopoliza’l sector enagora.

A xuiciu de so, el periodismu demanda una serenidá que permita contar y desplicar el relatu, lloñe de la radicalización y del alarmismu.

Guillermoprieto, que recibirá’l premiu’l viernes viniente n’Uviéu nuna ceremonia presidida polos reis, tuvo güei un alcuentru nel IES Sánchez Lastra de Mieres con alumnáu de distintos centros asturianos que participaron nel programa "Toma la Pallabra", una iniciativa pa los escolinos por mor de la selmana de los Premios Princesa d’Asturies 2018.

La periodista foi entrevistada por representantes de los distintos centros, que-y entrugaron pola so visión del periodismu, sobre los sos entamos na profesión o pola problemática ente los Estaos Xuníos y América Llatina, ente otros temes.

Al entruga-y pola importancia de la inmediatez d'anguaño, solliñó la importancia de contar con una calma que permita al autor tener una visión amplia del relatu que va a tresmitir.

Nesti alcuentru, que duró una hora aproximadamente, Guillermoprieto tamién miró los 46 periódicos fechos por más de 500 alumnos d’una ventena de centros asturianos, enmarcaos nel programa "Toma la Pallabra".

L’actu acabó con una semeya de familia colos estudiantes delantre’l centru educativu.

Comparte esta noticia
Publicidad
banner publicidad

© 2018 Radiotelevisión del Principado de Asturias | Todos los derechos reservados

Publicidad | Aviso Legal | Cookies | RSS | Sobre RTPA | Entidad adherida a AUTOCONTROL

Aviso de cookies

Usamos cookies propias y de terceros para ofrecer una mejor experiencia y mostrarle publicidad relacionada con sus preferencias. Al navegar o utilizar nuestros servicios el usuario acepta el uso que hacemos de las cookies.

Pinche aquí para más información Entendido