Proyectu Home alerta de la medría de consumu de cannabis ente mozos

Presenta la memoria de xeres de 2016

En 2016, Proyectu Home atendió a 1.119 persones, una cifra asemeyada a la d'años anteriores. D'estos, ingresaron en tratamientos 419, y finalizaron el programa con alta terapéutica 215 persones.

En cuantes a sustancies, en varones tien mayor prevalencia l'alcohol nun 23,7% siguío de la cocaína en 21,2%. En muyeres, el consumu mayor tamién ye l'alcohol nun 30,5% siguío del h.achís nun 18, 8%

Dende proyectu home alértase de la medría nel consumu de cannabis, una sustancia que cada vegada consumen más mozos que nun tienen mala prensa y que ye bien perxudicial cuando se trata de cannabis sintético y los cultivos 'indoor'.
Por mor del ésitu n'Uviéu del programa Reciella, la entidá abrirá un nuevu local en Mieres y ta trabayando pa poder abrilu n'otros llugares como Xixón y Avilés.