Sigue la busca de Lorena Torre, desapaecida en Xixón

L’operativu centra la busca na contornada de la sablera de Peñarrubia

Esta mañana siguieron los llabores de busca de Lorena Torre, la muyer de 40 años despaecida en Xixón. Cinco díes dempués de la so desapaición, un importante dispositivu encárgase de buscar dalguna pista del so paraderu per tierra.

L’operativu púnxose en marcha na contornada de la sablera de Peñarrubia, cerca del llugar onde apaeció’l vehículu de la desapaecida.

El dispositivu ta coordináu pola UDEV. Xunto a efectivos de la Policía Nacional tán participando axentes de la Policía Local y unidaes canines d’esti cuerpu, asina como un importante grupu de Protección Civil.

L’oxetivu ye rastrexar el tramu de la senda costera más cerca del llugar onde foi la so despaición.

Per otru llau, en Castrillón siguen los trabayos de busca de Concepción Barbeira n’El Puertu.

Dende mañana habrá batíes con voluntarios que s’esparderán tol fin de selmana.