Webcams
Buscar
Zoraida González vien d’una familia de cantantes mui bonos. Al padre conócenlu en Cangas como “el cantante”, el tíu ye’l cantador ‘Tisu’ y ye prima del acordionista Barry. Tamién tienen parentescu con Adolfo Uría y Laura, tíu y sobrina que tienen una afición pola canción asturiana que los llevó a participar n’abondos concursos de tonada.
Sandra ye una canguesa que dende bien pequeña toca l’acordión y ta emparentada con un fíu de Julia, descendiente de los que tuvieron el salón de baile Casa Manolín.
Amante Menéndez lleva cantando 10 años. Interpreta tonada, asturianaes y cantares tradicionales. Una de les sos aficiones ye axuntar a los amigos na so bodega en Cibuyu y cantar mentes se come y se bebe.
P’acabar, les pandereteres de Xedré son un grupu de muyeres que s’axunten los sábados pa falar de les sos coses y cantar los cantares de la zona.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL