Webcams
Buscar
Ver transcripción Momento actual
Esti domingu en Sonadía, el viaxe musical que nos tienen preparáu Mar y Alicia Álvarez, va llevanos a transitar pel powepop y garaje, per cantares más personales y malos de clasificar nun xéneru únicu, el rock progresivu y sinfónicu, o l’indie más introspectivu.
Lo de Pelazo ye powerpop y música de garaxe. Tuvieron el nome primero que la banda, esti grupu del barriu de Santa Marina de Mieres, tien claro que lo suyo va d'enforma baillotéu y pocu artisteo.
Lady Llagar vien a Sonadía dispuesta a revolucionar l’ambiente. El so estilu irónicu, desenfadáu y directu queda claru en temes protesta como ‘Demasiados pacones’. Mariajo Baudot ye Lady Llagar, pero tamién tien otros munchos proyectos musicales d’estilos perestremaos. Vamos falar con ella de toos ellos y tamién del so papel como maestra de ceremonies nel ‘Muyeres fest’, ente otros asuntos.
Oaks & Fahía vienen a Sonadía cola so propuesta de rock progresivu y sinfónicu. Un estilu mui raru con aires setenteros y vintage, qu’atoparon nos estudios ACME de Miguel Herrero’l so complementu perfectu. Ellí grabaron los sos dos discos ‘Resonance’ y ‘Interdimensional Voyage’. Pablo, Fahía y Miguel van cuntanos cómo foi’l procesu de grabación y los gustos musicales que los axunten a los trés.
Na sala del cómic d’Avilés vamos atopanos col grupu d’indie introspectivu Sylvain Woolf. El so procesu creativu, la importancia de les lletres nos sos cantares y la evolución del propiu grupu reflexada nel so últimu discu…van ser dalgunos de los temes de conversación con esta banda.
para visualizarlos
© 2025 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL