Sonadía en TPA a la carta. T.1 Cap. 6

Radiotelevisión del Principáu d'Asturies Radiotelevisión del Principado de Asturias

Webcams Corporativo Contacto

Buscar

Síguenos en

Radiotelevisión del Principado de Asturias

Webcams Buscar

Sintoniza TPA

Estás en televisión

Televisión del Principado de Asturias TPA (A7) emite en el canal 45 de la televisión digital terrestre (TDT). Además ofrece en su segundo canal (A8), la misma programación con una hora de retraso.

Emitido el

Ver transcripción Momento actual

Subir al vídeo

Esti domingu en Sonadía, el viaxe musical que nos tienen preparáu Mar y Alicia Álvarez va llevanos a transitar pel folk, la bossa nova, la música clásica y la canción asturiana.

José Manuel Tejedor va tar nel programa acompañáu pola so fía Julia Tejedor, qu’actúa con él dende va un añu, y el teclista Richard García. Referente nel folk asturianu, Tejedor actuó nos meyores festivales, foi teloneru de grandes artistes y nestos momentos trabaya nel so tercer discu en solitario. Vamos falar de la so trayectoria tan llarga, va cuntar anécdotes con cantantes como Van Morrison y va interpretar los temes ‘Villacondide’ y ‘Cabanón de Cuco /Noite Celta’. Sinatra & Jobim Project nun son una banda homenaxe, pero saben llevar al so terrén la grandeza de dos artistes inmortales como Frank Sinatra y Antonio Carlos Jobim.
Dende Asturies pal mundu, músicos de la talla de Vaudí Cavalcanti, Sam Rodríguez, René Ispierto y Leo Duarte, acompañaos de la voz d’Antonio Cuesta, faen que la bossa nova y el jazz nos atrapen. En Sonadía vamos gociar colos temes ‘Corcovado’ y ‘La chica de Ipanema’.

Préstanos pola vida la música clásica y si val pa cuntar histories, acompañar obres d’arte o describir sentimientos... muncho meyor. De too esto vamos falar col Dúo Amati. Violín y violonchelu, la pareya formada por Nacho Alonso y Ana Fernández va esplicanos cómo ye’l so trabayu d’acompañamientu, adaptación musical y docencia. Van interpretar dos temes, ún d’ellos una versión d’un clásicu de Metallica, ‘Nothing else matters’.

Zarramos el nuestru viaxe sonoru d’esta selmana cola canción asturiana, de la mano de Vero Rubio. Cantante y compositora canguesa, esta artista necesitó recibir el Premiu al Meyor Cantar pa sentir que los sos años d’estudiu, de profesión y de trabayu duru precisaben salir a la lluz. Van cuntánoslo de la qu’interpreta al pianu ‘O día’ y a la trompa, ‘Evening prayer blues’.

Apto para

Subtítulos

Sí

Pulse el botón

para visualizarlos

Mi calificación

Comparte