Teselas en TPA a la carta. La llingua asturiana del franquismu

Radiotelevisión del Principáu d'Asturies Radiotelevisión del Principado de Asturias

Webcams Corporativo Contacto

Buscar

Síguenos en

Radiotelevisión del Principado de Asturias

Webcams Buscar

Sintoniza TPA

Estás en televisión

Televisión del Principado de Asturias TPA (A7) emite en el canal 45 de la televisión digital terrestre (TDT). Además ofrece en su segundo canal (A8), la misma programación con una hora de retraso.

Emitido el

Ver transcripción Momento actual

Subir al vídeo

Autor: Dr. Inaciu Galán y González
Director: Dr. Juan Carlos Bustos Cortina

Nel trabayu apúrrese una imaxe de la situación de la llingua asturiana nel periodu de la dictadura de Francisco Franco, qu’entamó en 1939, tres la fin de la Guerra Civil, y remató cola muerte del dictador en 1975. La tesis ábrese con un capítulu dedicáu a conocer la situación que vivía l’idioma asturianu enantes de la Guerra, mesmo nel ámbitu lliterariu, que social y, en xeneral, de vitalidá . Nel capítulu segundu faise un repás a la ideoloxía que’l franquismu construyó sobre la so idea d’España en rellación a les llingües del estáu y l’aplicación qu’ello tuvo na llexislación creada pa la xestión y represión d’esta realidá multillingüe.

Darréu faise una descripción, con casos recoyíos pol autor al traviés d’entrevistes, de l’aplicación de la represión llingüística n’Asturies, que básicamente foi executada pente medies de les escueles. Dixébrase dempués el franquismu en trés etapes: años cuarenta y cincuenta, años sesenta y años setenta. En caún d’estos capítulos ábrese’l testu estudiando la situación xeneral del idioma y les iniciatives que-y diben dando presencia pública al mesmu. Nes trés etapes estudiáse a fondu’l posicionamientu y les acciones qu’en cada década llevó alantre l’Instituto de Estudios Asturianos (IDEA), la entidá fundada pol franquismu pal control de la cultura n’Asturies. Estudiáse tamién, en toles etapes, la situación de la lliteratura escrita n’asturianu, mesmo n’Asturies que nel exiliu.

Nos años sesenta dedícase un capítulu a la nacencia del descontentu col IDEA que conlleva l’apaición d’Amigos del Bable. Yá na etapta final, la de la década de los setenta, que s’estudia hasta 1976, dedícase un capítulu a conocer la influyente revista de la dómina, Asturias Semanal. L’últimu capítulu dedícase a estudiar el procesu que lleva dende l’actividá d’Amigos del Bable, que nun cuestiona al réxime franquista, hasta Conceyu Bable, que ruempe cola concepción tradicional del idioma dende una oposición clara cola dictadura, pasando pela celebraciónes de la I y II Asamblea del Bable.

Apto para

Subtítulos

Sí

Pulse el botón

para visualizarlos

Mi calificación

Comparte