'El Romano', una nueva vida a una pomarada familiar

Un microllagar onde faen la so sidra y un merenderu onde prebar productos asturianos

'El Romano' ye una pomarada con Denomación d’Orixe Protexida, un microllagar nel que los tres socios faen la so sidra nos meses más difíciles del añu y un bar merenderu onde puen prebase dalgunos productos asturianos con bonos palos de sidra y cerveza artesano nos meses más amables de la temporada de branu.

El proyectu entamó va yá más d’una década cuando la familia Romano decidió anovar una vieya pomarada con 200 manzanos. En total, cultiven cinco variedaes de mazana de la Denomación d’Orixe coles que faen de media unes 4.000 botelles de sidra 100% artesanal por cada collecha.

El trabayu de pañar el frutu suel facese a mediaos de payares pa, más tarde, mayar más de 6.000 kilos de mazana autóctona nesti edificiu polivalente de nueva construcción. La sidra fáenlo de forma tradicional, utilizando depósitos d’aceru inoxidable, nueves prenses y llenadores que dexen facer una sidra casero de bona calidá.

La sidra de producción propia véndenlo namás nel bar merenderu de la finca familiar alos veceros. Ábrenlu cuatro meses al añu, ente Selmana Santa y el branu. Tienen sesión vermú ​y entamen mercaos variaos y pequeños conciertos.

El proyectu foi financiáu parcialmente polos fondos Leader pa facilitar el desendolcu de la economía rural na fastera oriental d’Asturies.
​