Daniel Suárez, un "vaqueiru dixital" en Somiedu

Ye CEO de la empresa tecnolóxica Zapiens, que se basa na xestión de la conocencia

La querencia por Somiedu a Daniel Suárez súrde-y na madurez. Ye entós cuando descubre que nun hai meyor sitiu nel mundu qu’aquel que te vio medrar, pero qu’hubo que dexar.

Defínese como un “vaqueru dixital", porque ta cuatro meses al añu nos Estaos Xuníos y el restu en La Pola (Somiedu).

La so empresa Zapiens y el so modelu de trabayu dexáronlu volver a Somiedu. Ye un negociu que se basa na xestión de la conocencia.

Daniel pertenez, amás, a una asociación que sofita a otros emprendedores y va poco, abrieron una sede nel pueblu somedanu de Caunéu. Tolos años trai a Somiedu mentes inquietes, como la de
so, y enséña-yos les posibilidaes qu’ufierta’l teletrabayu ente los montes somedanos.

Daniel ye consciente de que la única torga ye traer a los emprendedores hasta la zona rural, porque una vegada equí, el paraísu conquista.​