El sabadiegu, un embutíu típicu de Noreña

Ye un amiestu ente chorizu y morciella que s'ellaboraba coles sobres del gochu​

El sabadiegu ye un perricu embutíu típicu de Noreña. Ye un amiestu ente chorizu y morciella que constitúi l'emblema gastronómicu de la villa condal. Nos sos oríxenes yera un productu poco valoráu, yá que s'ellaboraba coles sobres y les partes de menor calidá del gochu, hasta que la Orde del Sabadiegu revitalizólu al cocinalu con bonos productos.

Anguaño hai establecimientos qu'inxertaron innovaciones, como los canutinos de sabadiegu. Si lo queremos más desgrasáu pue tostase ensin aceite o cocinar al fornu y inclusive hai xente que lu toma crudu. Tamién ye vezu comelu con lenteyes, acompañáu de pataques o a cencielles con un pocu pan.

El nome de sabadiegu refierse al chorizu de sábadu. Aprovechábense los escedentes de chorizu y morciella de tola selmana, pero en Noreña'l productu algamó tantu prestixu qu'inclusive foi incluyíu como términu nel diccionariu de la Real Academia Española.

Nun falta nes cárniques y chacineríes locales, y ye un gran reclamu por parte de los paladares más esixentes. Otru de los esquisitos derivaos del gochu que se dan de manera perbona en Noreña, onde l'animal ye una figura cimera.