Candamu trabaya pa recuperar la so fresa autóctona

Semen nun güertu pilotu cuatro variedaes d'esti frutu, les que más s'asemeyen a la xenuina​

La fresa xenuina de Candamu ye más pequeña pero xugosa, de fuerte arume, con más zucre y mui delicada. Va tiempu que malapenes queden freses autóctones en Candamu, d’ehí que se trabaye, dende va cinco años, na so recuperación. Poro, acaben de semar cuatro variedaes y una d’elles convertiráse na autóctona.

El procesu nun foi fácil, porque los vecinos malapenes calteníen variedaes locales, y les qu’había taben mui estrozaes. Anque en mayu, cuando se recueya la collecha, Candamu volverá a cuntar col so frutu autóctonu.

El consistoriu candamín, la Universidá d’Uviéu y el Serida tán tres esti proyectu de recuperación de la fresa.