El Gobiernu del Principáu d'Asturies aprueba l'usu obligatoriu del mázcaru nes víes públiques urbanes

La midida esparderáse a les zones rurales en casu de "aglomeraciones"

L'usu del mázcaru va ser obligatoriu dende esti martes nes víes públiques de los nuedos urbanos d'Asturies al marxe de que se puea caltener o non la distancia de seguridá de 1,5 metros y nes zones rurales en casu de "aglomeraciones". Nesti casu, la so apreciación va corresponder a les fuerces de seguridá y a los organismos autonómicu y local.

Esta midida, que va afectar a toles persones de más de seis años d'edá, tomóse por aciu d'un resolvimientu aprobáu pola Conseyería de Salú qu'amplía la obligatoriedá yá esistente del usu del mázcaru cuando nun pudiera garantizase la distancia mínima de 1,5 metros y contempla sanciones d'hasta cien euros.

Les esceiciones van ser asemeyaes a les que yá s'afitaron, venceyaes a delles patoloxíes, y los ciudadanos que puean acreitar esta circunstancia nun van tener que pidir un certificáu médicu sinón que va bastar con una declaración responsable del afectáu.