El Serida investiga p'afayar la calidá de vida del ganáu al traviés de la so lleche

Por aciu d'una prueba PCR podrá sabese si una vaca pastó albentestate o si sufrió estrés

Una investigación del Serida va dexar desvelar tola hestoria d'un animal con solo analizar una muestra de la so lleche.

Por aciu d'una prueba PCR detéctense marcadores xenéticos qu'amuesen tolo rellacionao cola so salú. Conocer si una vaca past11ó albentestate, el so tipu d'alimentación, si tuvo espuesta a contaminación del terrén o si sufrió estrés. Toa una garantía de bienestar animal y calidá del productu

El Serida trabaya tamién pol tresformamientu del sector vacunu llecheru. So la llinia marcada por Europa, búscase tresformar les esplotaciones ganaderes pa faeles más sostenibles.

Somorguiáu nuna renovación de les sos instalaciones, el Serida busca nueves llinies de financiamientu presentando los sos proyectos de modernización del sector agroalimentariu a diverses convocatories europees.