El nuevu plan de movilidá de Xixón va incluyir l'impactu del Metrotrén

Va adaptase la circulación de la ciudá a la normativa medioambiental estatal y europea

El nuevu Plan de Movilidá que'l Conceyu de Xixón va impulsar pal periodu ente 2021 y 2030 va incluyir un estudiu sobro l'impactu del Metrotrén y va adaptar la circulación de la ciudá a la normativa medioambiental estatal y europea.

Anque les obres del plan de víes y del Metrotrén nun tán acabaes, el gobiernu local consideró imprescindible incorporar l'impactu que va tener esti serviciu cuando entre en funcionamientu.

El conceyal de Mediu Ambiente y Movilidá del Conceyu de Xixón, Aurelio Martín, presentó les llinies xenerales del futuru plan, que va ser respetuosu cola normativa medioambiental estatal y comunitaria.