El sepulcru del Rei Aurelio na ilesia de Samartín de Tours

Hai alderique sobre’l paraderu de los restos mortales del rei Aurelio d’Asturies

El Rei Aurelio sucedió nel cargu al so primu Fruela I asesináu, creése, pola propia nobleza d’entós. Quiciabes, pa evitar que se-y rellacionare col crime, decidió treslladar la corona de Cangues d’Onís y, nel so camín a Pravia, alcontró’l valle qu’agora lleva’l so nome. Equí tuvo anque nun queden restos de tala edificación, sí’l so sepulcru.

Hai una tumba en perfectu estáu de conservación. Ta dientro de la ilesia de Samartín de Tours, daqué que tal categoría monárquica esixía y ye la única qu’hai. Amás, esa construcción ta, al empar, llevantada sobre un templu del románicu y, anque les vigués de fuera son les pieces más antigües que se caltienen, son del sieglu XIII, dempués del añu 774 cuando’l Rei Aurelio finó. Non por eso se descarta qu’al empar hubiere otru pequeñu oratoriu nesti mesmu puntu. Asina lo señala tamién la crónica Sebastianense d’Alfonso III.

Eso sí, nun hai nin rastru de los restos del cuerpu. Na revolución del 34 yá cuenten los historiadores qu’alguien quixo ver qué había dientro’l sepulcru y yá nun había nada, poro, tuvo que ser lleváu a otru llugar.

Ta claro que’l nome del conceyu polo menos venceya’l territoriu col V Rei de la Monarquía Asturiana onde vivió y onde les evidencies falen que se-y dio sepultura.