Xornada sobro'l talentu femenín nel mercáu llaboral

El primer pasu ye encalzar el talentu femenín hacia les disciplines académiques

Fomentar la formación académica de les muyeres en disciplines técniques, avanzar nes polítiques actives d'empléu atendiendo al criteriu d'igualdá, o crear los mecanismos que dexen el so accesu a cargos de responsabilidá nes empreses son dalgunes de les claves qu'esta mañana apuntáronse nuna xornada celebrada en Xixón, na que s'aldericó sobre'l talentu femenín nel mercáu llaboral.

Los espertos aseguren que'l primer pasu ye encalzar el talentu femenín hacia les disciplines académiques, sobre manera les técniques, onde'l porcentaxe d'alumnes ye sensiblemente inferior al masculín.

Nuna sociedá como l'asturiana na que la fienda salarial supera'l 29%, la de les pensiones algama'l 46% y la tasa de desempléu femenín ye del 15,8%, urxe implementar tamién polítiques actives d'empléu y d'igualdá efectives.

Otra fienda, anque nesti casu non cuantificada, ye la desproporción ente homes y muyeres a la hora d'aportar a cargos de responsabilidá nes empreses.

Un cambéu de mentalidá ente tolos axentes implicaos ye clave, apúntase, pa que'l talentu femenín nel ámbitu llaboral puea ser esplotáu al máximu.​