Les bollines, un dulce típicu d'estes feches

Les casadielles dixébrense de les bollines pola pasta que les cubre

Unu de los dulces tradicionales d'esta dómina, cuando'l fríu apreta, son les bollines. Los ingredientes necesarios pa la ellaboración de la pastia son farina, aceite, vinu blanco, nates y formientu.

Unu de los trucos pa que les bollines salgan sabroses ye que la masa tien que reposar, polo menos dos hores. Esi tiempu úsase pa faer el rellenu. Nesti casu, unes van llevar nueces y, otres, crema.

Una vegada que la pasta y el rellenu tán llistos, el siguiente pasu ye da-yos la forma y cerrales con un tenedor. Depués yá s'echen nel sartén con aceite bien caliente.

María Delfina Busto deprendió a faer bollines en casa. Foi so madre quién la enseñó. Y anque yera un dulce típicu d'Antroxu, agora prepárase tol añu.

Anque les bollines tienen una forma asemeyada a les casadielles, nun son lo mesmo. De mano, les bollines lleven menos azucre.

Ellaborar les bollines nun ye difícil, anque lleva tiempu. Sicasí, esta vecina d'Ouviñana diznos que merez la pena pasar tardes ente fogones pa depués esfrutar d'esti dulce.