Los empresarios d'áridos reclamen un accesu caltenible a los recursos minerales

Uviéu acueye'l VI Congresu Nacional d'Áridos

El presidente del Principáu, Adrián Barbón, reclamó al Gobiernu d’España un "despliegue áxil" del Mecanismu de Transición Xusta que dexe facer realidá la "metamorfosis" d’Asturies nel procesu de descarbonización de manera que "naide quede atrás".

"La concreción d’eses iniciatives venceyaes a los fondos europeos dará’l plus de credibilidá afayadizu a la tresformación ecolóxica d’Asturies, la de mayor intensidá de toa España", señaló.

Asina lo dixo esti miércoles el xefe del Executivu asturianu na inauguración del VI Congresu Nacional d’Áridos qu’en tres díes axunta n’Uviéu a más de 700 representantes del sector llegaos dende quince países.