Una fuexa común d'A Caridá sedrá una de les primeres qu'estudiará'l Principáu

Un conveniu ente'l Principáu y la Universidá dexará estudiar y sacar los restos de delles fuexes comunes

Baxo dos metros cuadraos de tierra asitiaos nuna esquina del cementeriu d’A Caridá piénsase que tán enterraes les hermanes Ferrer. Luz, de 21 años, Maura, de 18 y Mercedes de 20. Les tres yeren naturales d’Outur, fíes d’un sindicalista y les tres fueron fusilaes en 1936.

Esta fuexa común ta entá por investigar y sedrá una de les primeres que s’analizarán con fondura gracies a un conveniu que roblará’l Principáu d’Asturies cola Universidá d’Uviéu pa estudiar y sacar los restos de delles fuexes comunes. L’oxetivu ye comparar esos restos col ADN de familiares de les víctimes.

Too col envís d’honrar la memoria de les víctimes.