El Serida participa nun estudiu internacional sobro la xenética de la faba europea

El trabayu acaba d'asoleyase na revista científica Nature

A partir de 10.000 variedaes de la faba europees y americanes escoyeron 500; cultivaes n'Italia, Alemaña y, n'España, -equí, nel Serida-, en distintes redolaes de clima y suelu. Fixeron análisis xenéticos a 218 amueses.

Pal Serida, una información bien pervalible pa xenerar nueves variedaes de faba asturiana, que lleven trabayando fai cuasi 30 años.

Un estudiu qu'esbilla la evolución xenética n'Europa d'una llegume trayida va cinco sieglos del continente americanu, y qu'acaba d'asoleyase na revista Nature. Dende'l sector señalen que namás queda siguir anovando.