El Serida escueye y caracteriza tres variedaes d'escanda asturiano

Una xornada histórica pal cereal asturiano, nel que lleven más de 15 años trabayando

El Serviciu Rexonal d'Investigación y Desenvolvimientu Agroalimentariu (Serida) escoyó y caracterizó tres nueves variedaes d'escanda asturiano, qu'entraron nel rexistru colos nomes de roxo, azul y blanquino, na categoría de variedaes de caltenimientu.

Estos nuevos tipos fueron presentaos esti xueves na Xornada de la Escanda, na que participaron, ente otros, el conseyeru de Ciencia, Borja Sánchez.

Les tres variedaes, anguaño calteníes nel bancu de grana del Serida, puen estremase a güeyu poles tonalidaes de coloración que garren les sos espigues na maduración: nel casu de lo blanquino, son blanques; nel de lo azul, tórnense azulaes; y nel de lo roxo, pardes.

Tamién hai diferencies na fuerza de panificación de la fariña: no blanquino y lo azul, ye baxa; no roxo, moderada.