Los pulgos de les castañes podríen ser reutilizaos como aisllante pa viviendes

Dos investigadores creen nel so llaboratoriu de Llaíñes un material asemeyao al corchu

El pulgu de les castañes podría tener una segunda vida como aisllante pa viviendes. Ye ún de los posibles usos conocíos por mor d’una investigación desendolcada por Marlén López y Manuel Persa nel so llaboratoriu de Llaíñes, en Sobrescobiu.

El resultáu algamáu, un material mui asemeyao al corchu, que ta siendo testao pol Grupu d’Investigación de Construcción Sostenible de la Universidá d’Uviéu pa estudiar les sos propiedaes como aisllante acústicu y térmicu.

Una observación de la naturaleza qu’aprovecha los residuos orgánicos pa reconvertilos, por exemplu, en fieltros colos que crear nuevos productos como una pantalla pa llámpares fecha con piel de naranxa.

Nuevos materiales y diseños creaos dende otros y pensaos p’aprovechar tolo que nos da la naturaleza.