La dieta del ñácaru: lactancia llendada, escesu de carne y poca fruta y verdura

Los primeros años representen una oportunidá afayadiza p'afitar patrones dietéticos afayadizos

El perfil dietéticu de los neños asturianos d'ente 2 y 36 meses caracterízase pola llendada lactancia materna, un escesivu consumu de carne y amenorgamientu de fruta y verdura y el déficit de vitamina D ente los nutrientes, según una investigación liderada pola Universidá d'Uviéu y asoleyada na revista Nutrients.

Según los autores del trabayu, nel que s'estudió a 97 ñácaros que fueron siguíos dende los 2 y 3 meses de vida hasta los 3 años d'edá, los primeros años de vida representen una oportunidá afayadiza p'afitar patrones dietéticos atopadizos y caltenelos nel tiempu.

L'estudiu amuesa que, pese a los encamientos de la OMS a favor de la lactancia materna esclusiva hasta los 6 meses, namás un 53,6% de los neños yeren daos de mamar a los 3 meses anque, a lo llargo del tiempu, el llargor foi relativamente bono con un 7,8% de neños pa los que se caltenía a los 36 meses.