Ruraltech, clave na concesión del Premiu a Pueblu Exemplar d'Asturies

En castellano: Ruraltech, clave en la concesión del Premio a Pueblo Ejemplar de Asturias

El centru del CTIC de Pion trabaya na aplicación de la tecnoloxía al mediu rural

L'alcalde de Villaviciosa, Alejandro Vega, declaró que la concesión del Premiu Pueblu Exemplar 2023 a les parroquies d'Arroes, Pion y Candanal, supón la reconocencia al trabayu comuñal lleváu alantre polos impulsores de "iniciatives d'anovación rural adaptaes a los nuevos tiempos".

El llogru del XXXIV Premiu Pueblu Exemplar que convoca la Fundación Princesa d'Asturies supón una "enorme allegría" pal conceyu, nel qu'esti galardón recái per tercer vegada, tres llogralu Cubera en 1991 y Poreñu en 2017.

Sobre'l que considera un "proyectu de futuru", el rexidor mentó les aldegues como "espaciu pa l'anovación tecnolóxica y social" y un factor cimeru pa "xenerar nueves economíes rurales".

Nesti sen, citó la trescendencia del CTIC Ruraltech, un centru tecnolóxicu d'intelixencia territorial y anovación tecnolóxica pal mediu rural, que, xunto colos productores locales, ta convirtiendo la zona nun espaciu de "anovación disruptiva" con una importante base de participación social.

Comparte