Amelia Valcárcel sobre la Llei Trans:"La T ta comiéndose a la L y a la G"

Entama la XIX Escuela Feminista Rosario Acuña baxo'l títulu 'La Agenda Feminista del tiempo Global'

La filósofa y feminista y miembru del Conseyu d’Estáu Amelia Valcárcel consideró que’l proyectu de Llei pa la igualdá real y efectiva de les persones trans y pa la garantía de los derechos de les persones LGTBI, conocida como Llei Trans, ye "una llei mordaza" que da llugar a "un nuevu machismu" y alvirtió de que’l colectivu transexual ta "comiéndose" al de gais y llesbianes.

"La T ta comiéndose a la L, a la G y a tolo que lleva alredor y nun creo que seya eso lo que se quier", afirmó Valcárcel momentos enantes de participar na inauguración de la XIX Escuela Feminista Rosario Acuña, que se celebra hasta’l vienres en Xixón baxo’l títulu "La Agenda Feminista del tiempo Global".

Valcárcel (Madrid, 1950), públicamente a la escontra de la llei trans, consideró qu’esta norma ta "enllena d’equivocos" y ye "un pozu de males sorpreses", asina que la sociedá tendría que reflexonar sobre ella.