Fuente: RTPA, 11 de ochobre. 2023 13:02

Les parroquies d'Arroes, Pion y Candanal, en Villaviciosa, Pueblu Exemplar d'Asturies

Las parroquias de Arroes, Pion y Candanal, en Villaviciosa, Pueblo Ejemplar de Asturias

Les tres parroquies caltienen una "estrecha rellación" gracies a dos asociaciones vecinales

Les parroquies d'Arroes, Pion y Candanal, en Villaviciosa, fueron galardonaes esti llunes col Premiu al Pueblu Exemplar d'Asturies 2023 por llograr "caltener una economía diversificada" a partir de los recursos locales que dexó nos últimos años una "recuperación de la base social" gracies a la crecedera y remocicamientu de la so población.

 

L'anovación tecnolóxica surdida del territoriu, basada na tradición y con implicación de los vecinos, constitúi un "modelu válidu pa retrucar n'otros llugares", según destacó'l xuráu qu'escoyó güei esta candidatura ente les 26 qu'optaben al galardón que convoca la Fundación Princesa d'Asturies dende 1990.

 

L'acta del xuráu tamién empondera la esistencia d'un "importante movimientu asociativu de calter interxeneracional que axunta la dimensión recreativa y la formativa".

 

Comparte